O kleane Bett'lemstelleken
Met 't boonte schosteenvelleken
d'r baoven vuur. Hoo mennig uur,
ik wil't wa wetten,
he'k vroooger bi'j di'j sletten.
Nog zee'k dee bearkenstemmeks
En 's aovens keersenvlemmekes
Roondum de reup, waor 't Keendken sleup.
Op 't hadde stro.
En 't mooder Gödsken dekken 't too.
'n Ossen, 'n ezzel en de schaope
Ze sleupen al te haope
Ze wazzen meu, net as de leu
Tot 't engelenleed
Daor boeten kleunk langs 't zaore heed.
't Jezuskeenken lag allene
En spöllen met ziene blote bene.
St. Jozef lacht en dekken zacht
Den kleanen too
Met deuk'kes en met haoi en stro.
Hoo oold en gries, hoo stief en krom
'k Ok wodden mag, toch vaol ik
vrom
De haan' vuur Di'j Dow zeens vuur
mi'j
O Keenken kleen
Den God, Den'k zal in 'n hemmel zeen.
